Deska zbožba Běše raz sonina, kotraž porno tomu, štož sej tak předstajamy, w małkej, krjechkatej chěžce bydleše. Swojim přećelkam by husto žortujo rjekła, zo je drje Baba Jaga mjez soninami, na čož so wšitcy křiwje smějachu. Soniny su mjenujcy jara žortne a chrobłe stworjenčka, jeničce njemóža tole w bajkach přejara pokazać, dokelž jich role hinak wupołožene su. W bajkach su pak dobre pak złe a to přeco po samsnym wostudłem wašnju. To wone za dosć hłupe maja a tohodla wosebje dźiwe fejty swjeća. Naša sonina běše najchrobliša ze wšěch. Lubuješe, burow mjerzać, najradšo tajkich młodych, kotřiž chcychu runje holcu narěčeć. K tomu by wužiwała jednore triki, kajkež je šulscy hólčecy rady nałožuja. Soninej najlubšej pryzlej běštej swjerbjacy próšk do spódnych cholowow a njewidźomny pjerdźenski zawk na prěnjej zetkance. Jeli ći pacholjo tele činki z dobrym humorom znjesechu a tak jeje test wobstachu, namakachu na přichodne ranje spodźiwnu desku z někajkej pału. Tak bychu wědźeli: su desku zboža dóstali. Trójcy smě so wo desku klepać. Prěnjotnje, zo by so pomoc wuprosyła, jeli lubowanemu čłowjekej swoju lubosć wuznawaš, k druhemu razej spožči pomoc pola prěnjeho zetkanja z přichdonymaj staršimaj a potom pola prěnjeje wulkeje zwady. Je takrjec, wulka dušina podpěra. Po tym je zaso jenož čwak drjewa, kotryž za dźěłanje lena trjebaš. Wosebje rady staraše so sonina w lubjacych, kiž njemějachu sej lochko. To měješe zwjetša z tym činić, zo hólcy hólcow lubowachu a holcy. Ženje nochcyše so jej wěrić, zo by dyrbjało rólu hrać, kotry čłowjek kotreho čłowjeka lubuje. Tele poriki dóstachu přeco wot njeje desku zboža bjez někajkeje žortnjeje próby. A hdyž bě zaso jónu porik wozbožiła, swjećeše w swojej chěžce, zo so cyła budka čumpaše. Ale jeli so nětko prašeće, hač móžemy ju druhy wuhladać: So wě! Wóčce ju přeradźitej. So swjećatej wóčce, kotrejž tebje ze sobu zatorhnujetej, posměwk tajki wočakowacy. Kaž na wobrazu małeje holcy? Nó, snadź to docyły žana wšědna holca na wobrazu njeje, snadź je tola naša sonina? Bjerće so na kedźbu a pomhajće soninje. Nima telko deskow zboža, ćěslće sej Wašu swójsku. Zaleži na Was: Njedajće-li zemrěć lubosć, tak wona budźe žiwa hišće dźensa. Alternatiwnje: Dołhož lubosć wumrěć njedawajće, budźe wona žiwa tež dźensa! — 2 months ago

Eine weitere Geschichte hinzufügen ...